sr-mean-histuuria-kopiera
Foto: SR Meänraatio

Meän Histuuria

Meänraatio oon alkanu lähättämhään ohjelmasarjan histuurisista vuosiluvuista jokka oon vaikuttanheet sitä assimilasuuni- elikkä ruottintamispolitiikkaa jotako Tottuus- ja sovintokomisuuni tornionlaaksolaisile, kväänile ja lantalaisile nyt tutkii.

Osat ottavat ylös tärkeitä vuosilukuja niinku esimerkiksi 1809-vuen rajavetoa Ruottin ja Suomen välissä, 1842 ko kansankoulu perustethiin ja niin saamenkieli ko suomenkieli essiinyit koulutuskielenä ja oppikirjoista lapsile Tornionlaaksossa 1900-luvun alusta. 1906 Selma Lagerlöfin koulukirja ”Nils Holgerssons underbara resa” tuli ulos. Siinä tehthiin Tornionlaaksoa ja muita meänkieltäpuhuvia aluheita kokohnaans näkymättömiksi.

Ohjelmasarjassa oon matkassa muun muassa Stefan Aro, sekreteerari komisuunissa ja Marita Mattsson Barsk, kirjailia ja kirjastonhoitaja.

Toimitusta ja niitä ohjelmia joitako Ruottin Raatio tekkee meänkielelä kuttuthaan Meänraatioksi. Useampia histuurisa vuosilukuja sie löyät täälä komisuunun webbipaikala.

SR Meänraatio: Meän Histuuria

Vuosilukuja histuurian varrelta