Tornedalningarnas dag
Stefan Aro Foto: Martina Huber

Arkiivitten merkitys

Komisuuni osalistuu Samlingsforum/Kokoelmafuurymmissä 2021

Samlingsforum/Kokoelmafuurymmi oon konferensi joka piethään joka vuosi ja suuntautuu kaikile jokka oon töissä kokoelmahallinan kansa. Tänä vuona kattothaan pohjosheen päin ja tutkithaan kunka kokoelmat oon järjestetty, kunka eri tietomuotoja otethaan taltheen esihneistä niitten yhtheyksistä ja tarkotuksista.

Komisuunin tutkimussekreteerari Stefan Aro osalistuu ohjelmassa ja puhhuu arkiivitten merkityksestä tottuus- ja sovintoprosessile.

– Meile komisuunissa arkiivitten saatavuus oon ratkaseva meän työle. Täältä met saatama löytää tärkeitä pysselikappalheita jokka saattavat johtaa sovintoprosesshiin, esimerkiksi sille joka oon ollu työtuvassa lapsena, Stefan Aro meinaa.

Konferensi piethään tikitaalisti Zoomin kautta 17-18 marraskuuta. Kokoelmafuurymmi järjestethään tänä vuona Riikinantikvariaattitoimistolta yhtheistyössä  Ájtte Svenskt Fjäll- och Samemuseum/ Ájtte Ruottalainen Tunturi-ja Saamelaismuseon, Norrbottens museum/Norrbottenin Museon, Silvermuseet/Hopeamuseon ja Sveriges Museer /Ruottin Museoitten kansa

Täältä sie löyät koko Kokoelmafuurymmin ohjelman 2021.