27 huhtikuuta Tottuus- ja sovintokomisuuni tornionlaaksolaisile, kväänile ja lantalaisile, oli matkassa ja rypriikki oli ”Ette erkaintua omasta mammasta”.
Kolmisenkymmentä henkilöä oli tullu kuuntelheen. Josefin Rönnbäck ja Stefan Aro, molemat sekreteerarit komisuunissa, kerroit muistoista ja kertomuksista työtuvista joitako oon tullu esile komisuunin työn aikana ko koothiin sisäle haastatteluja.
Vuositten 1903-1954 välissä niitä oli toistakymmentä työtuppaa Norrbottenissa. Net olit jonkulaisia internaattia joissako seittemän ja neljäntoista välisen ikäset lapset sait asua. Syy siiheen ette jokku lapset asuit työtuvissa vaihteli, yks syy saatto olla köyhyys ja toinen syy oli pitkistä matkoista kouhluin Norrbottenissa.
Kertomukset jokka komisuuni oon ottanu vasthaan oon olheet niin positiivistä ko nekatiivistä kokemuksista, mutta toistuva kertomus oon ollu suru siittä ette erkaintua omista vanhuuksista, koista ja useasti kansa siskoista.
Arkiivikeskusta Norrbottenin museolla tarjoa paääsyn arkiivitokymenthiin ja julkashuin läänin histuuriasta ja kulttuuriperintheestä. Arkiivit sisältävät ynikkiä materiaalia koko Norrbottenista. Vanhiin tokymentti oon 1500-luvulta, mutta usseimat oon 1800-luvun keskivaiheesta ja etheenpäin.
Hetin webbipaikala (komisuuni.se) julkasthaan tutkimusylheiskatshaus ja tutkimus työtuvista. Yniversiteettilektori Daniel Nilsson Ranta oon ottanu esile tutkimuksen meänkielialuheela olevista työtuvistä ja minkälaiset net olit verrattuna muihiin koulukotinsorttishiin institysuuhniin Ruottissa.