Se tapahtu juhlalisissa tilasuuksissa Pajalassa 27 helmikuuta 1988.
Se viipy kuitenki vuotheen 1999 ko tornionlaaksonsuomi sai oman kielen staattyksen Ruottissa julkisella nimelä meänkieli.
Niitä oon eri tietoja kunka monta meänkielenpuhuvaa niitä oon tänä päivänä. Svenska Tornedalingars Riksförbund, STR-T:n mukhaan niitä oon suunile 70 000 henkilöä jokka puhuvat elikkä käsittävät meänkieltä kokohnaans elikkä osittain.
Täälä sie saatat lukea lissää meänkielestä.