Kaffe möte i Anttis
Foto: Martina Huber

Nyt työ alkaa ette haastatella henkilöitä jokka halvaavat jakkaa heän histuuriata

Täälä sie saatat lukea kunka sie saatat jakkaa sinun histuurian.

Komisuuni oon nyt alkanu työn ette haastatella henkilöitä jokka halvaavat jakkaa toistuksia ja kertomuksia komisuunile. Komisuunin tavote oon ette tehhä näkyväksi sen laajuuen ja moninaisuuen kokemuksista jokka oon olemassa minuriteetillä. Met toivoma sen takia ette niin moni ko maholista halvaa tuottaa komisuunin työhöön.

Sekretariaatti tekkee haastattelut. Se joka halvaa tulla haastateltuksi saattaa valikoittea jos haastattelu tehhään meänkielelä elikkä ruottiksi. 

Ette kertoa hankalista kokemuksista ja muistoista saattaa herättää hunteerinkia ja tuntheita joitako sitä saattaa tarvita apua ette selvittää. Komisuuni saattaa tarjota puhetukea jotako haastatteluhenkilö saattaa käyttää jos oon tarve. Komisuuni oon kansa yhtheistyössä Rekiuuni Norrbottenin ja Ruottin kirkon kansa.

Se mennee tietenki kansa hyvin jakkaa ommaa kertomusta lähättämällä sisäle kirjotetun kertomuksen komisuunile. Täälä sie saatat lukea kunka sie saatat jakkaa sinun histuurian.