Kokkous, joka piethiin Hallituskanslian konferensihuohneessa Stokholmin keskustassa, houkutteli viitisenkymmentä kuunteliata. Paikan päälä oli monta eustaijaa STR-T:n paikalisosastosta Stokholmista.
Ilta alotethiin tunetuila sävelyilä ko Håkan Wikström esitti musikkia ja laulua.
Kokkouksen tarkotus oli ette sitoa käynissäolevaa työtä ja eesauttaa ette minuriteetin omavalta vahvistuu. Tutkimussekreteerarit Stefan Aro ja Josephine Ylipää komisuunista kerroit tutkimuksen kartotuksesta assimileerinkipolitiikasta ja temattisista aluheista. Kenneth Hyltenstam, professori emeritus kakskielisyystutkimuksessa ja jäsen komisuunissa, puhu kielitten merkityksestä ja assimileerinkipolitiikan konsekvensistä intiviiti-, ryhmä- ja yhtheiskuntatasola.
Komisuuni anto aikaa keskustelulle komisuunin ehotuksista jatkuvhiin toihmiin jokka tulevat loppumietinössä. Innostus oli suuri ylheisöltä ja monia alotheita ja komentaaria otethiin ilola vasthaan komisuunilta.
Ja tietenki tarjothiin kahvia ja kanelipullaaki.