Kaffe möte i Anttis
Kaffemöte i Anttis. Foto: Martina Huber

Tervetuloa kahvile

26 elokuuta kl. 18.00, Risudden/Vitsaniemi. 27 elokuuta kl.18.00, Seskarö/Seittenkari

Kahvikokkoukset oon enkkelttiä informelliä kokkouksia joissako komisuunin sekretariaatti käypii kylissä ja paikoissa Tornionlaaksossa. Komisuuni selittää heän tehtävästä, kahvikupin yli, paikalisasukhaitten kansa ja kuttuu keskustelhuin ja innostuttaa jakahmaan kertomuksia. 

Ensimäinen kahvikokkous piethiin kesäkuun keskivaiheessa/keskelä kesäkahvilassa Antissa. Se oli miehleinen, valosa kesäilta. Viitisenkymmentä henkilöä oli kokkointunnu muun muassa kuuntelheen komisuunin puhheenjohtaijaa Elisabeth Furaa ja komisuunin sekreteeraria Stefan Aroa jokka kerroit tehtävästä ja käynissäolevasta työstä. Jokku henkilöt toistit omista kokemuksista assimileerinkipolitiikan jäljissä 1800- ja 1900- luvuila. Illala olik ansa kaunissävystä musikkia ja laulua Susanne Rantatalolta ja Jan Johanssonilta.

Joka kahvikokkouksen yhtheyessä oon maholisuus sille joka halvaa jakkaa hänen kertomusta ja toistusta ette varata aika yksityisele haastattelulle sekretariaatin kansa. Sie saatat lukea lissää kunka jakkaa sinun histuurian täälä.

Ilmotusta ei tartte ette osalistua kahvikokkoukshiin. Kaikin oon tervetulheita!

Tuorestai 26 elokuuta kl. 18.00, Risudden/Vitsaniemi vanhaa koulu, Risudden/Vitsaniemi

Perjantai 27 elokuuta kl.18.00, Seskarö Folkets hus/Seittenkaaren Kansantalo, Seskarö/Seittenkari

Musikkia Bo Lindbergin kansa