klasgoran-karlsson_690
Klas-Göran Karlsson Foto: Egen

Uusi jäsen komisuunissa

Klas-Göran Karlsson oon valikoittu komisuunin kaheksaneksi jäseneksi.

Klas-Göran Karlsson oon histuurian professori Lundin yniversiteetilä ja hään oon kauhean innostunnu nykyaikahistuuriasta jonka kansa, ja jossako met elämä ja olema. Hänen erityiset tutkimusaluheet oon kolme: Itäeuroopan ja Neuvostoliiton/Ryssän uuenaikhainen histuuria, kansanmurha, rikos ihmiskuntaa vasten ja valtionjärjestetty terrori, ja kysymyksiä histuurisen timensuunin paikasta yhtheiskunnassa, kulttuurissa ja koulutuksessa.

Klas-Görania tulhaan esittämhään paremin artikkelisarjassa ”Kohtaa komisuunin jäseniä”.